Posts Tagged ‘Poetry’
Apne maazi se jo virsay main mile hain hum ko By Iqbal Azeem
Apne maazi se jo virsay main mile hain hum ko
In asoolon ki tijarat nahin hogi hum se
Ehd-e-Hazir ki her ik baat humain dil se qabool
Sirf toheen-eriwayat nahin hogi hum se
Jhoot bhi bolain, sadaqat ke payambar bhi banain
Hum ko bakhsho, ye siyasat nahin hogi hum se
Zakhm bhi khayen, raqebon ko duain bhi dain
Itni makhdosh sharafat nahin hogi hum se
Surkh pathar ke sanam hon ke woh pathar ke sanam
But kadon main to ibadat nahin hogi hum se
Hai ita’at ke liye apna faqat aik khuda
Na-khudaon ki ita’at nahin hogi hum se
Gher mashroot rafaqat ke tarafdar hain hum
Shart ke saath rafaqat nahin hogi hum se
Fikr-o-Izhaar main hum hukm ke paband nahin
Shayari hasb-e-hidayat nahin hogi hum se
Sirf ye batain agar aap gawara karen
Aap ko koi shikayat nahin hogi hum se
PEGHAM-E-IQBAL By Iqbal Azeem
Posted on: July 20, 2011
PEGHAM-E-IQBAL By Iqbal Azeem
Apne Markaz Se Agar Duur Nikal Jao Ge
Khwaab Ho Jao Ge, Afsano Mein Dhal Jao Ge
Ab to chehron ke khad-o-khal bhi pehle se nahin
Kis ko maloom tha tum itne badal jao ge
Apne parcham ka kahin rang bhula mat dena
Surkh sholon se jo khelo ge to jal jao ge
De rahe hain tumhain to log rafaqat ka fareb
In ki tareekh parho ge to dehal jao ge
Apni Mitti Pe Hi Chalny Ka Saleeqa Seekho
Sang-e-Mar.Mar Pe Chalo Ge Tou Phisal Jao Ge
Khwabgahon se nikalte hue dartay kyon ho
Dhoop itni to nahin hai ke pighal jao ge
Taiz Qadmon Se Chalo Aur Tasadam Se Bacho
Bheer Mein Sust Chalo Ge To Kuchal Jao Ge
Humsafar Dhoondo Na Rahbar Ka Sahara Chaho
Thokarain Khao Ge To Khud Hi Sambhal Jao Ge
Tum Ho Ek Zinda Jawed Riwayat ke Chiraagh
Tum Koi Shaam Ka Suraj Ho ke Dhal Jao Ge
Subh sadik mujhe matloob hai kis se mangon
Tum to bholay ho, chraghon se behal jao ge
Meray Watan ke Udaas Logo
Posted on: May 15, 2011
Meray Watan ke Udaas Logon, na khud ko itna HaQeer samjho
Ke koi tumse Hisaab maangay, Khawahishon ki Kitab mangay
Na khud ko itna Qaleel samjo, Ke koi uth ker kahey ye tumse
Wafain apni hamain luta do, Watan ko apny hamain Thama do
- In: Abid Ali Abid | Abid Ali Abid | Hindi Ghazal | Hindi Poem | Hindi Shayari | Poetry | Udas Shayari | Urdu Poetry | Urdu Poets | Urdu Shayari | Words I Love!
- Leave a Comment
Chaand sitaron se kya poochun kab din mere phirte hain
Woh to bechare khud hain bhikari, dere dere phirte hain
Jin galiyon main hum ne sukh ki sej pe raten kaati thin
Un galiyon main vyaakul hokar saanjh saweray phirte hain
Roop-saroop ki jot jagana is nagari main jokhum hai
Chaaron khunt bagolay ban kar ghor andhere phirte hain
Jin ke sham-badan saye main mera maan sastaya tha
Ab tak aankhon ke aagay woh baal ghanere phirte hain
Koi hamain bhi ye samajha do un par dil kyon rijhh gaya
Teekhi chitvan baanki chhab wale bahu-tere phirte hain
Is nagri men baag aur baan ki yaron liila nayari hai
Paanchi apne sar pe uth kar apne baseray phirte hain
Log to daman see lete hain jaise ho ji lete hain
“Abid” hum diwane hain jo baal bikhere phirte hain
(By Abid Ali Abid)
- In: Abbas Dana | Abbas Dana | Hindi Ghazal | Hindi Poem | Hindi Poets | Hindi Shayari | Love Poetry | Muhabat Shayari | Poetry | Prem Shayari | Pyar Shayari | Udas Shayari | Urdu Poetry | Urdu Poetry | Urdu Poets | Urdu Shayari | Words I Love!
- 1 Comment
Apne khawbon main tujhe jis ne bhi dekha hoga
Aankh khulte hi tujhe dhoondne nikla hoga
Zindagi sirf tere naam se mansoob rahe
Jane kitne hi damaghon ne ye socha hoga
Dost hum us ko hi paigum-e-karam samajhenge
Teri furqat ka jo jalta hua lamha hoga
Daman-e-zeest main ab kuch bhi nahin hai baaqi
Maut aaye to yaqeenan usay dhoka hoga
Roshani jis se utar aaye lahoo main mere
Ae masihaa woh mera zakhm-e-tamanna hoga
(By Abbas Dana)
- In: Abid Ali Abid | Abid Ali Abid | Hindi Ghazal | Hindi Poem | Hindi Poets | Love Poetry | Muhabat Shayari | Poetry | Poets | Prem Shayari | Pyar Shayari | Urdu Poetry | Urdu Poets | Urdu Shayari | Words I Love!
- 2 Comments
Dil hai aa-ina-e-hairat se do-char aaj ki raat
Gam-e-dauran main hai aks-e-gham-e-yaar aaj ki raat
Aatish-e-gul ko daaman se hawa deti hai
Deedani hai ravish-e-mauj-e-bahaar aaj ki raat
Aaj ki raat ka mehmaan hai malboos-e-hareer
Is chaman-zaar men ugtay hain sharar aaj ki raat
Main ne farhaad ki aaghosh men sheerin dekhi
Main ne pervez ko dekha sar-e-dar aaj ki raat
Jo chaman sarf-e-khizaan hain woh bulate hain mujhe
Mujhe fursat nahin aaye jaan-e-bahaar aaj ki raat
Dar-e-yazdaan pe bhi jhukti nahin is waqt jabeen
Mujh se aankhain na lara ??? aaj ki raat
Mashaal-e-sheeer ka laya hun char-haawa “Abid”
Jag-magate hain shaheedon ke mazaar aaj ki raat
(By Abid Ali Abid)
Yeh aarzoo thi tujhe gul ke ru-ba-ru karte
Hum aur bul-bul-e-betaab guftagu karte
Peyum-bar na muyasar hua to khoob hua
Zabaan-e-gair se kya sher ki aarzoo karte
Meri tarah se maah-o-mahar bhi hain aawara
Kisi habib ko ye bhi hain justaju karte
Jo dekhte teri zanjeer-e-zulf ka aalam
Aseer honay ke aazad aarzoo karte
Na pooch aalam-e-bargashta taali’-e-Aatish
Barasti aag main jo baraan ki aarzoo karte
(By Haider Ali Aatish)
Yaar ko main ne mujhe yaar ne sonay na diya
Raat bhar taal’i-e be-daar ne sonay na diya
Ik shab bul-bul-e-betaab ke jaage na naseeb
Pehlu-e-gul main kabhi khaar ne sonay na diya
Raat bhar ki dil-e-betaab ne baaten mujh se
Mujh ko is ishq ke beemar ne sonay na diya
(By Haider Ali Aatish)
Sun to sahi jahan main hai tera fasana kya
Kehti hai tujh se khalq-e-khuda gaibana kya
Zina saba kaa dhoondti hai apni musht-e-khaak
Baam-e-buland yar ka hai aastana kya
Aati hai kis tarah se meri kabz-e-rooh ko
Dekhoon to maut dhoondh rahi hai bahana kya
Betaab hai kamal hamara dil-e-azeem
Mehmaan saraay-e-jism ka hoga rawana kya
(By Haider Ali Aatish)
Taraptay hain, na rote hain, na ham faryaad karte hain By Haider Ali Aatish
Posted on: March 10, 2011
- In: Ghum Shayari | Haider Ali Aatish | Haider Ali Aatish | Hindi Ghazal | Hindi Poem | Hindi Poets | Hindi Shayari | Love Poetry | Muhabat Shayari | Poetry | Poets | Prem Shayari | Pyar Shayari | Sad Poetry in Urdu | Udas Shayari | Urdu Poetry | Urdu Poetry | Urdu Poets | Urdu Shayari | Words I Love! | Yaad Shayari
- Leave a Comment
Taraptay hain, na rote hain, na ham faryaad karte hain
Sanam ki yaad main har-dam khaduu ko yaad karte hain
Unhin ke ishq main ham naala-o-faryaad karte hain
Ilaahi dekhiye kis din humain woh yaad karte hain
Shab-e-furqat main kyon-ker saanp lehraate hain seene par
Tumhaari kukul-e-pechan ko jab ham yaad karte hain
(By Haider Ali Aatish)
Shafinn's life / Choices 