Posts Tagged ‘Daagh Dehelvi’
Aarzu hai wafa kare koi
Posted December 24, 2010
on:- In: Daagh Dehlvi | Daagh Dehlvi | Hindi Poets | Poetry | Poets | Urdu Poetry | Urdu Poets | Urdu Shayari | Words I Love!
- Leave a Comment
Aarzu hai wafa kare koi
jeena chahe to kya kare koi
gar marz ho dawa kare koi
marne wale ka kya kare koi
koste hain jale hue kya kya
apne haq main dua kare koi
un se sab apni apni kahte hain
mera matlab ada kare koi
tum saraapa ho soorat-e-tasvir
tum se phir baat kya kare koi
jis main lakhon baras ki hooren hon
aisi jannat ko kya kare koi
(By Daagh Dehelvi)
- In: Daagh Dehlvi | Daagh Dehlvi | Hindi Poets | Poetry | Poets | Uncategorized | Urdu Poetry | Urdu Poets | Urdu Shayari | Words I Love!
- 3 Comments
Ajab apna haal hota jo wisal-e-yaar hota
kabhi jaan sadqey hoti kabhi dil nisaar hota
na maza hai dushmani main na hai lutf dosti main
koi gair gair hotaa koi yaar yaar hota
ye maza tha dil lagi ka ke barabar aag lagati
na tumhain qarar hota na hamain qarar hota
tere wade par sitam agar abhi aur sabar kartey
agar apni zindagi ka hamain aitabar hota
(By Daagh Dehelvi)
- In: Daagh Dehlvi | Daagh Dehlvi | Hindi Poets | Poetry | Poets | Urdu Poetry | Urdu Poets | Urdu Shayari | Words I Love!
- Leave a Comment
Aafat ki shokhiyan hain tumhari nigah main
mehshar ke fitney kheltey hain jalwa-gaah main
wo dushmani se dekhatey hain dekhtey to hain
main shaad hun ke hun to kisi ki nigaah main
ati baat baat mujhe yaad baar baar
khata hun daud daud ke qasid se raah main
is taubah par hai naaz mujhe zaahid is qadar
jo toot kar sharik hun haal-e-tabah main
mushtaq is ada ke bahot dard-mand the
ae daag tum to baith gaye ek ah main
(By Daagh Dehelvi)