Shafinn's life / Choices

Apne maazi se jo virsay main mile hain hum ko By Iqbal Azeem

Apne maazi se jo virsay main mile hain hum ko

In asoolon ki tijarat nahin hogi hum se

Ehd-e-Hazir ki her ik baat humain dil se qabool

Sirf toheen-eriwayat nahin hogi hum se

Jhoot bhi bolain, sadaqat ke payambar bhi banain

Hum ko bakhsho, ye siyasat nahin hogi hum se

Zakhm bhi khayen, raqebon ko duain bhi dain

Itni makhdosh sharafat nahin hogi hum se

Surkh pathar ke sanam hon ke woh pathar ke sanam

But kadon main to ibadat nahin hogi hum se

Hai ita’at ke liye apna faqat aik khuda

Na-khudaon ki ita’at nahin hogi hum se

Gher mashroot rafaqat ke tarafdar hain hum

Shart ke saath rafaqat nahin hogi hum se

Fikr-o-Izhaar main hum hukm ke paband nahin

Shayari hasb-e-hidayat nahin hogi hum se

Sirf ye batain agar aap gawara karen

Aap ko koi shikayat nahin hogi hum se

PEGHAM-E-IQBAL By Iqbal Azeem

Apne Markaz Se Agar Duur Nikal Jao Ge
Khwaab Ho Jao Ge, Afsano Mein Dhal Jao Ge

Ab to chehron ke khad-o-khal bhi pehle se nahin
Kis ko maloom tha tum itne badal jao ge

Apne parcham ka kahin rang bhula mat dena
Surkh sholon se jo khelo ge to jal jao ge

De rahe hain tumhain to log rafaqat ka fareb
In ki tareekh parho ge to dehal jao ge

Apni Mitti Pe Hi Chalny Ka Saleeqa Seekho
Sang-e-Mar.Mar Pe Chalo Ge Tou Phisal Jao Ge

Khwabgahon se nikalte hue dartay kyon ho
Dhoop itni to nahin hai ke pighal jao ge

Taiz Qadmon Se Chalo Aur Tasadam Se Bacho
Bheer Mein Sust Chalo Ge To Kuchal Jao Ge

Humsafar Dhoondo Na Rahbar Ka Sahara Chaho
Thokarain Khao Ge To Khud Hi Sambhal Jao Ge

Tum Ho Ek Zinda Jawed Riwayat ke Chiraagh
Tum Koi Shaam Ka Suraj Ho ke Dhal Jao Ge

Subh sadik mujhe matloob hai kis se mangon
Tum to bholay ho, chraghon se behal jao ge

Meray Watan ke Udaas Logon, na khud ko itna HaQeer samjho

Ke koi tumse Hisaab maangay, Khawahishon ki Kitab mangay

Na khud ko itna Qaleel samjo, Ke koi uth ker kahey ye tumse

Wafain apni hamain luta do, Watan ko apny hamain Thama do

Kaahay ko biyaahi bides, ray, lakhi baabul moray,
Kaahay ko biyaahi bides……..
Bhayiyon ko diye babul mehlay do-mehlay,
Hum ko diya pardes, ray, lakhi babul……
Hum to hain babul teray khoontay ki gayyan,
Jid haankay hank jaayen, ray, lakhi babul……
Hum to hain babul teray belay ki kaliyan,
Ghar ghar maangi jaayen, ray lakhi babul……
Hum to hain babul teray pinjray ki chidiyan,
Bhor bhaye ud jaayen, ray, lakhi babul……
Taaqon bhari mainay gudiyan jo chhodeen
Choota sahelin ka saath, ray lakhi babul……
Kothay talay say palakiya jo nikli,
Beeran nay khaayi pachhad, ray, lakhi babul…..
Dolee ka parda uthakar jo dekha,
Aaya piya ka des, ray, lakhi babul moray.
Kaahay ko biyaahi bides, ray, lakhi baabul moray.

Translation-

Why did you part me from yourself, dear father, why?
You’ve given houses with two stories to my brothers,
And to me, a foreign land? Why dear father, why?
We (daughters) are just cows tied to your peg,
Will move on to where ever you drive us to, dear father.
We are just flower-buds of your garden,
And are asked for, in every household, dear father.
We are just birds from your cage,
Will fly off when its dawn again, dear father.
I’ve left at home, alcoves full of dolls;
And parted from my buddies too, dear father.
When my palanquin passed beneath the terrace,
My brother fainted and fell, dear father.
As I remove the curtain from the palanquin,
I see we’ve reached the beloved’s house, dear father.
Why did you part me from yourself, dear father, why?

(By Amir Khusro)

Chaand sitaron se kya poochun kab din mere phirte hain

Woh to bechare khud hain bhikari, dere dere phirte hain

Jin galiyon main hum ne sukh ki sej pe raten kaati thin

Un galiyon main vyaakul hokar saanjh saweray phirte hain

Roop-saroop ki jot jagana is nagari main jokhum hai

Chaaron khunt bagolay ban kar ghor andhere phirte hain

Jin ke sham-badan saye main mera maan sastaya tha

Ab tak aankhon ke aagay woh baal ghanere phirte hain

Koi hamain bhi ye samajha do un par dil kyon rijhh gaya

Teekhi chitvan baanki chhab wale bahu-tere phirte hain

Is nagri men baag aur baan ki yaron liila nayari hai

Paanchi apne sar pe uth kar apne baseray phirte hain

Log to daman see lete hain jaise ho ji lete hain

“Abid” hum diwane hain jo baal bikhere phirte hain

(By Abid Ali Abid)

Apne khawbon main tujhe jis ne bhi dekha hoga

Aankh khulte hi tujhe dhoondne nikla hoga

Zindagi sirf tere naam se mansoob rahe

Jane kitne hi damaghon ne ye socha hoga

Dost hum us ko hi paigum-e-karam samajhenge

Teri furqat ka jo jalta hua lamha hoga

Daman-e-zeest main ab kuch bhi nahin hai baaqi

Maut aaye to yaqeenan usay dhoka hoga

Roshani jis se utar aaye lahoo main mere

Ae masihaa woh mera zakhm-e-tamanna hoga

(By Abbas Dana)

Dil hai aa-ina-e-hairat se do-char aaj ki raat

Gam-e-dauran main hai aks-e-gham-e-yaar aaj ki raat

Aatish-e-gul ko daaman se hawa deti hai

Deedani hai ravish-e-mauj-e-bahaar aaj ki raat

Aaj ki raat ka mehmaan hai malboos-e-hareer

Is chaman-zaar men ugtay hain sharar aaj ki raat

Main ne farhaad ki aaghosh men sheerin dekhi

Main ne pervez ko dekha sar-e-dar aaj ki raat

Jo chaman sarf-e-khizaan hain woh bulate hain mujhe

Mujhe fursat nahin aaye jaan-e-bahaar aaj ki raat

Dar-e-yazdaan pe bhi jhukti nahin is waqt jabeen

Mujh se aankhain na lara ??? aaj ki raat

Mashaal-e-sheeer ka laya hun char-haawa “Abid”

Jag-magate hain shaheedon ke mazaar aaj ki raat

(By Abid Ali Abid)

February 2017
M T W T F S S
« Jul    
 12345
6789101112
13141516171819
20212223242526
2728  

My Facebook Profile

My LinkedIn Profile

Flickr Photos

Abondoned Corridors

The Sunset

The Beauty

The Game

The Flag

The Glasses

Waiting for Princess

Talking to Myself

Road to Tollipeer

My Scattered Mind

More Photos