Aarzu hai wafa kare koi

Posted by: shafinnali on: December 24, 2010

• In: Daagh Dehlvi | Daagh Dehlvi | Hindi Poets | Poetry | Poets | Urdu Poetry | Urdu Poets | Urdu Shayari | Words I Love!
• Leave a Comment

Aarzu hai wafa kare koi
jeena chahe to kya kare koi

gar marz ho dawa kare koi
marne wale ka kya kare koi

koste hain jale hue kya kya
apne haq main dua kare koi

un se sab apni apni kahte hain
mera matlab ada kare koi

tum saraapa ho soorat-e-tasvir
tum se phir baat kya kare koi

jis main lakhon baras ki hooren hon
aisi jannat ko kya kare koi

(By Daagh Dehelvi)

Tags: aarzu hai wafa kare koi, Daagh Dehelvi, Ghazal, Urdu Poem, Urdu Poetry