Posts Tagged ‘Poetry’
Woh bhi kya log the aasan thi rahen jin ki
Band aankhen kiye ik simt chale jate thay
Aql-o-dil Khawab-o-haqiqat ki na uljhan na khalish
Mukhtalif jalway nigahon ko na behlatay thay
Ishq sadaa bhi tha be-khud bhi junoon-peesha bhi
Husn ko apni adaon pe hijaab aata tha
Phool khilte thay to phoolon main nasha hota tha
Raat dhalti thi to sheeshon pe shabab aata tha
Chandni kaif-asar rooh-afza hoti thi
Abr aata tha to bad-mast bhi ho jatay thay
Din men shorish bhi hua karti thi hangamay bhi
Raat ki gaud men munh dhaanp ke so jatay thay
Narm rau waqt ke dhaaray pe safinay thay ravaan
Sahil-o-bahar ke aen na badalte thay kabhi
Nakhuda-oon pe bharosa tha muqadar pe yaqeen
Chadar-e-aab se toofan na ubalte thay kabhi
Hum ke toofanon ke paalay bhi, sataye bhi hain
Barq-o-baaran main wohi shamain jalayen kaise
Ye jo aatish-kada duniya men bharaak utha hai
Aansuon se usay her baar bujhayen kaise
kar diya barq-o-bukharut ne mehshar barpa
apne daftar main litafat ke siwa kuch bhi nahin
ghir gaye waqt ki berham kasha-kash main magar
paas tehzeeb ki daulat ke siwa kuch bhi nahin
Yeh andhera ye talatum ye hawaon ka kharosh
Is men taaron ki subuk narm ziya kya karti?
Talkhi-e-zeest se karwa hua aashiq ka mizaj
Nigah-e-yaar ki masoom aada kya karti
Safar aasan tha to manzil bhi bari roshan thi
Aaj kis darja pur-asrar hain rahen apni
Kitni par-chaiyaan aati hain tajali ban kar
Kitne jalwon se ulajhti hain nigahen apni
(By Aale Ahmed Saroor)
- In: Ghum Shayari | Hindi Ghazal | Hindi Poem | Hindi Poets | Hindi Shayari | Love Poetry | Muhabat Shayari | Poetry | Poets | Prem Shayari | Pyar Shayari | Sad Poetry in Urdu | Udas Shayari | Urdu Poetry | Urdu Poets | Urdu Shayari | Wasi Shah | Wasi Shah | Words I Love! | Yaad Shayari | Yaadain
- Leave a Comment
Samandar main utarta hun to aankhain bheeg jaati hain
Teri aankhon ko parhta hun to aankhain bheeg jaati hain
Tumhaara naam likhne ki ijaazat ch-iin gayi jab se
Koi bhi lafz likhta hun to aankhain bheeg jaati hain
Teri yaadon ki khushbu khirkiyoun main raqq-s karti hai
Tere gham main sulagta hun to aankhain bheeg jaati hain
Main hans ke jhail laita hun judaye ki sabhi rasmain
Galey jab us ke lagta hun to aankhain bheeg jaati hain
Na-jaane ho gaya hoon is-qadar hasaas main kab se?
Kisi say baat karta hun to aankhain bheeg jaati hain
Woh sub guzrey hue lamhaat mujh ko yaad aatey hain
Tumhare khat jo parhta hun to aankhain bheeg jaati hain
Main saara din bohat masroof rehta hun magar juunhi
Qadam chau-khat pe rakhta hun to aankhain bheeg jaati hain
Har ik muflis ke maathay par alam ki daastaanain hain
Koi chehra bhi parhta hun to aankhain bheeg jaati hain
Barey logon ke oonchay bad-numa or sard mehlon ko
Ghareeb aankhon se takta hun to aankhain bheeg jaati hain
Tere koochey se ab mera taal-luq waajibi sa hai
Magar jab bhi guzarta hun to aankhain bheeg jaati hain
Hazaron mosamon ki huk-marani hai mere dil par
“Wasi” main jab bhi hansta hun to aankhain bheeg jaati hain!!
(By Wasi Shah)
- In: Hindi Ghazal | Hindi Poem | Hindi Poets | Hindi Shayari | Khawahishain Shayari | Love Poetry | Muhabat Shayari | Poetry | Poets | Prem Shayari | Pyar Shayari | Urdu Poetry | Urdu Poets | Urdu Shayari | Wasi Shah | Wasi Shah | Wish Poetry | Words I Love!
- 17 Comments
Kaash main teray haseen hath ka kangan hota
Tu baray piyar se, chaa-o se, baray maaan ke saath
Apni nazuk se kalayee main charhati mujh ko
Aur betaabi say furqat ke khizaa-n lamhon main
Tu kisi soch main doobi jo ghumati mujh ko
Main tere haath ki khushbu say mehak sa jata
Jab kabhi mood main aa-kar mujhe chooma kartin
Tere honton ki main hiddat se dehak sa jata
Raat ko jab bhi tu neend ke safar pay jatin
Marmar-een haath ka ik takiya banaya kartin
Main tere kaan se lag kar kaye batain karta
Tere zulfon ko, tere gal ko, chooma karta
Mujh ko beatab sa rakhta tere chahat ka nasha
Main tere roah ke gulshan main mehak-ta rehta
Main tere jism kay aangan main khanakta rehta
Kuch nahin to yehi be-naam sa bandhan hota
Kash main tere haseen hath ka kangan hota
(By Wasi Shah)
Abhi to ishq main aisa bhi haal hona hai, Keh ashq rokna tum say muhaal hona hai By Wasi Shah
Posted March 6, 2011
on:- In: Ghum Shayari | Hindi Ghazal | Hindi Poem | Hindi Poets | Hindi Shayari | Love Poetry | Muhabat Shayari | Poetry | Poets | Prem Shayari | Pyar Shayari | Sad Poetry in Urdu | Udas Shayari | Urdu Poetry | Urdu Poets | Urdu Shayari | Wasi Shah | Wasi Shah | Words I Love! | Yaad Shayari | Yaadain
- Leave a Comment
Abhi to ishq main aisa bhi haal hona hai
Keh ashq rokna tum say muhaal hona hai
Her aik lab pay hai meri wafa ke afsanay
Teray sitam ko abhi la-zawal hona hai
Baja kay khaar hain lekin bahaar ki rut main
Yah tay hai ab kay humain bhi nehal hona hai
Tumhain khaber hi nahin tum to laut jao gay
Tumharay hijr main lamha bhi saal hona hai
Hamari rooh pay jab bhi azaab utrain gay
Tumhari yaad ko is dil ki dhaal hona hai
Kabhi to rooáy ga wo bhi kisi ki banhoon main
Kabhi to us ki hansi ko zawaal hona hai
Milain gi hum ko bhi apnay naseeb ki khushiyaan
Bas intezar hai kab yay kamal hona hai
Her aik shakhs chalay ga hamari rahoon per
Muhabaton main humain woh misaal hona hai
Zamana jis kay gham-o-paich main ulajh jaye
Hamari zaat ko aisa sawaal hona hai
“Wasi” yaqeen hai mujh ko wo laut aaye ga
Usay bhi apnay kiye ka malaal hona hai
(By Wasi Shah)
Main Muhabat aur Tum By Wasi Shah
Posted March 5, 2011
on:- In: Ghum Shayari | Hindi Ghazal | Hindi Poem | Hindi Poets | Love Poetry | Muhabat Shayari | Poetry | Prem Shayari | Pyar Shayari | Sad Poetry in Urdu | Udas Shayari | Urdu Poetry | Urdu Poets | Urdu Shayari | Wasi Shah | Wasi Shah | Words I Love!
- Leave a Comment
Aaj yun mosam nay di jashan-e-muhabat ki khabar
Phoot kar ronay lagay hain main,muhabat aur tum
Hum nay juunhi kar liyaa mehsoos manzil hai kareeb
Raastay khonay lagay hain main,muhabat aur tum
Chaand ki kirnon nay hum ko is tareh bosaa diyaa
Devta honay lagay hain main,muhabat aur tum
Aaj phir mehroomion ki daastanien aorh kar
Khaak mein sonay lagay hain main,muhabbat aur tum
Kho gaye andaz bhi,awaaz bhi, alfaaz bhi
Khamoshi ddhonay lagay hain main,muhabat aur tum
(By Wasi Shah)
- In: Ghum Shayari | Hindi Ghazal | Hindi Poem | Hindi Poets | Hindi Shayari | Love Poetry | Mohsin Naqvi | Mohsin Naqvi | Muhabat Shayari | Poetry | Poets | Prem Shayari | Pyar Shayari | Sad Poetry in Urdu | Urdu Poetry | Urdu Poets | Urdu Shayari | Words I Love!
- 1 Comment
Suraj ko dafnanay aye
Dhalti shaam ke lambay saye
Dukh ne sukh ka saans liya hai
Kaash koi phir yad na aye
Aik hi rasta ham donon ka
Dekhain kon kahan tak jaye
Aaj ghaat se khushbu barsi
Jaise koi zulfain lehraye
Kaash koi samjhaye us ko
Laikin kon usay samjhaye
Tujh se yun bichda ho jaise
Pathar se sheesha takraye
Banjar dharti pooch rahi hai
Chaand pe kis ne shahar basaye
Woh khushbu ki mauj hai “MOHSIN”
Kon us ki tasveer banaye
(By Mohsin Naqvi)
Rukhsat hua to baat meri maan kar gaya, Jo us ke pass tha mujhe dhaan kar gaya By Mohsin Naqvi
Posted March 2, 2011
on:- In: Ghum Shayari | Hindi Ghazal | Hindi Poem | Hindi Poets | Hindi Shayari | Love Poetry | Mohsin Naqvi | Mohsin Naqvi | Muhabat Shayari | Poetry | Poets | Prem Shayari | Pyar Shayari | Sad Poetry in Urdu | Urdu Poetry | Urdu Poets | Urdu Shayari | Words I Love!
- 3 Comments
Rukhsat hua to baat meri maan kar gaya
Jo us ke pass tha, mujhe dhaan kar gaya
Bichra kuch is aada se ke rut hi badal gayi
Ik shaks saray shehar ko weraan ker gaya
Dil-chasp waqia tha ke kal ik aziz dost
Apne mufaad par mujhe qurban kar gaya
Kitni sudhar gayi hai judayi main zindagi
Haan wo wafa se mujh par ehsaan kar gaya
“MOHSIN” main baat baat par kehta tha jis ko jaan
Wo shaks aakhir mujh ko be-jaan kar gaya
(By Mohsin Naqvi)
Palkon pe charagh ko sambhaley hoye rekhna, Es hijar ke mosam ki hawa tiaz bohat hai By Mohsin Naqvi
Posted March 2, 2011
on:- In: Ghum Shayari | Hindi Ghazal | Hindi Poem | Hindi Poets | Hindi Shayari | Love Poetry | Mohsin Naqvi | Mohsin Naqvi | Muhabat Shayari | Poetry | Poets | Prem Shayari | Pyar Shayari | Sad Poetry in Urdu | Urdu Poetry | Urdu Poets | Urdu Shayari | Words I Love!
- 2 Comments
Ik moja-subh-e-janoon taiz bohat hai
Ik saans ka sheesha hai ke labraiz bohat hai
Palkon pe charagh ko sambhaley hoye rekhna
Es hijar ke mosam ki hawa tiaz bohat hai
Kia us ke khad-o-khaal khulain apni ghazal main
Wo shahar ke logon main kam-aamaiz bohat hai
“MOHSIN” us se mila hai to dukhney do yeh ankhain
Kuch dair or bhi jago ke wo “SHAB KHAIZ” bohat hai
(By Mohsin Naqvi)
Itni shohrat bhi kahan chahi thi khud se main ne, Apne hi shaher ka har shaks adoo mera hai By Mohsin Naqvi
Posted February 28, 2011
on:- In: Ghum Shayari | Hindi Ghazal | Hindi Poem | Hindi Poets | Hindi Shayari | Love Poetry | Mohsin Naqvi | Mohsin Naqvi | Muhabat Shayari | Poetry | Poets | Prem Shayari | Pyar Shayari | Sad Poetry in Urdu | Udas Shayari | Urdu Poetry | Urdu Poets | Urdu Shayari | Words I Love!
- Leave a Comment
Itni shohrat bhi kahan chahi thi khud se main ne
Apne hi shaher ka har shaks adoo mera hai
Dhoop chaoon ki yeh rut DIL main tehar janey de
Aks tera hai tu saya labey jo mera hai
Patharon se hai MOHABBAT mujhe yun bhi “MOHSIN”
Sang-dil shehar main ik aina-ro mera hai
Woh bazahir jo zamanay se khafa lagta hai
Hans ke bolay bhi to duniya se juda lagta hai
Or kuch dair na bujhne de isay Rabb-e-sahar
Doobta chand meri dast-e-dua main lagta hai
Jis se munh pher ke rastey ki hawa guzri hai
Kisi ujray hoye aangan ka diya lagta hai
Munh chupaye hoye guzra hai jo mujh se aaj
Us ki ankhoon main koi zakhm naya lagta hai
Ab to “MOHSIN” ke tassavur main utar Rab-e-jaleel
Is udaasi main to Pathtar bhi khuda lagta hai
(By Mohsin Naqvi)
Ab yeh sochon tu bhanwar zehen main par jatay hain, Kaise chehray hain jo miltay hi bichad jatay hain By Mohsin Naqvi
Posted February 28, 2011
on:- In: Ghum Shayari | Hindi Ghazal | Hindi Poem | Hindi Poets | Hindi Shayari | Love Poetry | Mohsin Naqvi | Mohsin Naqvi | Muhabat Shayari | Poetry | Poets | Prem Shayari | Pyar Shayari | Sad Poetry in Urdu | Udas Shayari | Urdu Poetry | Urdu Poets | Urdu Shayari | Words I Love!
- Leave a Comment
Ab yeh sochon tu bhanwar zehen main par jatay hain
Kaise chehray hain jo miltay hi bichad jatay hain
Mosam-e-zad main ik dil ko bachaon kaise
Haan kuch diye tund-hawaon se bhi lar jatay hain
Soch ke aaina dhundla ho tu phir waqt ke saath
Pathron main bhi kabhi “MOHSIN” aainay jad jatay hain
(By Mohsin Naqvi)