Ab meri rooh main baqi hai na umeed, na josh (Sahir Ludhyanwi)

Posted by: shafinnali on: November 24, 2010

• In: Hindi Poets | Poets | Sahir Ludhyanvi | Sahir Ludhyanvi | Urdu Poets | Words I Love!
• 1 Comment

apne seenay se lagaye huye umeed ki laash
mudaton zeest ko nashaad kiya hai main ne
tu ne to ek hi sadmay se kiya tha do-char
dil ko har tareh se barbad kiya hai main ne
jab bhi rahon men nazar aye hurari malboos
saard aahon se tujhe yad kiya hai main ne

aur ab jab kay meri rooh ki pahnai main
ek sunsaan si maghmoom ghata chaaye hai
tu damakate hue aariz ki shuayain lekar
gul_shuda shamain jalane ko chali ai hain

mere mehb0ob ye hangama-e-tajadid-e-wafa
mere afasurda javani ke liye raas nahin
main ne jo phool chunay thay tere qadmon ke liye
un ka dhundhla-sa tasavur bhi mere pas nahin

ik yakh_basta udaasi hai dil-o-jan pe muheet
ab meri rooh main baqi hai na umeed, na josh
reh gaya dab ke giran_bar salasil ke talay
meri darmanda javani ki umangon ka Kharosh

Tags: apne seenay se lagaye huye umeed ki laash, mere mehboob, phool, Sahir Ludhyanwi