Shafinn's life / Choices

Posts Tagged ‘Urdu Ghazal

Teri khushbu ka pata kerti hai
mujh pe ehsaan hava kerti hai

shab ki tanhai men ab to aksar
guftagu tujh se raha kerti hai

dil ko us rah pe chalna hi nahin
jo mujhe tujh se juda kerti hai

zindagi meri thi lekin ab to
tere kehne main raha kerti hai

us ne dekha hi nahin varna ye ankh
dil ka ehvaal kaha kerti hai

benayaz-e-kaf-e-dariya angusht
rait par naam likha kerti hai

sham parte hi kisi shakhs ki yad
koocha-e-jaan main sada kerti hai

mujh se bhi us ka hai vaisa hi salook
hal jo teri ana, kerti hai

dukh hua karta hai kuch aur bayan
bat kuch aur hua kerti hai

abr barse to inayat us ki
shaakh to sirf dua kerti hai

masla jab bhi utha chiraghon ka
faisla sirf hava kerti hai

(By Parveen Shakir)

Kuch muhabat ka nasha tha pehle hum ko Faraz

Dil jo tota to nashe se muhabat ho gai

——————

Yeh wafa to un dinon ki baat hay Faraz

Jab makaan kachy or log sachay hoa krty thy..

——————

Kon deta ha umar bhar ka sahara ae Faraz

LOG tu JANAZAY man bhi kandhay badaltay rahtay hein..

——————

Kis ki Kya majal thi jo koi Hum ko kharid sakta Faraz

Hum to khud hi Bik gaey kharidar dekh k..

——————

Ham na badlein gay waqt ki raftaar kay sath Faraz

Ham jab bhi milen gay andaz purana hoga..

——————

Tera Na Ho Saka To Mar Jaon Ga Faraz

Kitna Khobsurat Wo Jhoot Bolta Tha..

——————

Wo Bewafa na tha youn hi badnaam ho gya Faraz

Hazaron chaheny waly thy kis kis say wafa karta..

——————

Hum pe faqat ilzaam k hum hain zuban daraz

hum ne to bus kaha tha hamain tum se piyar hai..

——————

Zindagi to apnay hi Qadmon pe chalti hai Faraz

Auron k saharay to Janazay utha kartay hain..

——————

Bari Mushkil se Sulaaya tha Khud Ko FARAZ Main ne Aaj

Apni Aaankon Ko Tare Khuwaab Ka Laalach de Ker..

——————

Wo roz dekhta hai dubtay huay suraj ko faraz

Kash mai b kisi shaam ka manzir hota..

(By Ahmad Faraz)

Zakhm ko phool to sar sar ko saba kahte hain
jane kya daur hai kya log hain kya kahte hain

kya qayamat hai ke jin ke liye ruk ruk ke chale
ab vahi log hamain abalapa kahte hain

koi batalao ke ik umr ka bichara mahabub
ittefaqan kahin mil jaye to kya kahte hain

ye bhi andaz-e-sukhan hai ke jafa ko teri
gamza-o-ishva-o-andaz-o-ada kahte hain

jab talak dur hai tu teri parastish kar lain
ham jise chu na sakain us ko khuda kahte hain

kya tajjub hai ke ham ahl-e-tamanna ko ‘Faraz’
wo jo maharum-e-tamanna hain bura kahte hain

(By Ahmad Faraz)

Suna Hai Loog Usay Aankh Bhar Ke Dekhte Hain
So Uss Ke Sheher Mein Kuch Din Theher Ke Dekhte Hain

Suna Hai Boley Tou Baaton Se Phool Jhartey Hain
Yeh Baat Hai To Chalo Baat Kar Ke Dekhte Hain

Suna Hai Raat Ko Usse Titliyaan Sataati Hai
Suna Hai Raat Ko Jugnoo Theher Ke Dekhte Hain

Suna Hai Uss Ke Badan Ki Taraash Aisi Hai
Ke Phool Apni Qabaaein Katar Ke Dekhte Hain

Rukey To Gardishein Uss Ka Tawaaf Karti Hain
Chaley To Uss Ko Zamaaney Theher Ke Dekhte Hain

Kisse Naseeb Ke Be-Pairahan Usse Dekhey
Kabhi Kabhi Dar-O-Deewaar Ghar Ke Dekhte Hain

Kahaaniyaan Hi Sahi, Sab Mubaalghey Hi Sahi
Agar Woh Khawaab Hai, Taabeer Kar Ke Dekhte Hain

Judaaiyaan To Muqadder Hai Phir Bhi Jaan-E-Safar
Kuch Aur Door Zara Saath Chal Ke Dekhte Hain

Too Saamney Hai To Phir Kiyon Yaqeen Nahin Aata
Yeh Baar Baar Jo Aankhon Ko Mal Ke Dekhte Hain

Yeh Kaun Loug Hain Maujood Teri Mehfil Mein
Jo Laalachon Se Tujhey, Mujh Ko Jal Ke Dekhte Hain

Na Tujh Ko Maat Hui Hai Na Mujh Ko Maat Hui
So Ab Ke Donon Hi Chaalein Badal Ke Dekhte Hain

Buhut Dinon Se Nahin Hai Kuch Uss Ki Khair Khabar
Chalo Faraz Ko, Aey Yaar Chal Ke Dekhte Hain

(By Ahmad Faraz)

Hum jo tootay to is tarah tootay
jaise hathon se girr k pathar par
koi shafaaf aaiina tootay
jaise palkon se toot tha aansoo
jaise seene main ik kamaan tootay
jaise umeed ki nazuk daali
barg mosam main na gahaan tootay
jaise aankhon main khwab ki doori
waqt e takmeel se ulajh jaye
jaise pairon tale zameen nikle
jaise sar par yeh asmaan tootay
jaise ik shaakh pe bharosa kia
is pe jitne thay aashiyaan tootay
jaise wehshat se hosh aa jaye
jaise ta dair main dheyaan tootay
ab jo raiza howay to sochte hain
kis nay dekha tha tootna apna
hum jo tootay to raayegaan tootay

(By Ahmad Faraz)

Utho meri dunya k garibon ko jaga do
khak-e-umra k dar-o-diwar hila do

garmao gulamon ka lahu soz-e-yaqin se
kunjishk-e-phiromaya ko shahin se lara do

sultani-e-jamahur ka ata hai zamana
jo naqsh-e-kuhan tum ko nazar aye mita do

jis khet se dahqan ko mayassar nahin rozi
us khet k har khosha-e-gandum ko jala do

kyon khaliq-o-makhluq mein hayal rahen parde
piran-e-kalisa ko kalisa se hata do

main nakhush-o-bezar hun marmar k silon se
mere liye mitti ka haram aur bana do

tahazib-e-nawin kargah-e-shishagaran hai
adab-e-junun shayr-e-mashriq ko sikha do

(By Allama Iqbal)

Shikwa-e-ashq nahi Jurat-e-guftar nahin

mary hathon main jabar ki talwar nahin

Ibn-e-Adam hun insan se Mohabat ki hai

Aag ka chand ka Pathar ka paristar nahin

ae khuda mujh ko meri Ibadat k badly Mohabat de de

Main teri kisi b jannat ka kharidar nahin

jis ne insan se mohabat hi na ki ho

wo dar haqiqat khuda ka b talabgaar nahin

(By Allama Iqbal)


October 2014
M T W T F S S
« Jul    
 12345
6789101112
13141516171819
20212223242526
2728293031  

My Facebook Profile

Flickr Photos

Abondoned Corridors

The Sunset

The Beauty

The Game

The Flag

The Glasses

Waiting for Princess

Talking to Myself

Road to Tollipeer

My Scattered Mind

More Photos
Follow

Get every new post delivered to your Inbox.